Yangi BYD Han salonlari qanday bo‘ladi
Xitoyda ikkinchi avlod sedani va Tang L krossoverining batafsil ma’lumotlari e’lon qilindi.
Hozirgi avlodning davomchisi bo‘lgan yangi Han L hajmi kattalashdi va uning uzunligi 5 metrdan oshib ketdi: aniqroq aytganda, 5050 × 1960 × 1505 mm. G‘ildirak bazasi 50 mm ga uzayib, endi 2970 mm ni tashkil etadi, bu esa salon qulayligiga ijobiy ta’sir ko‘rsatishi kutilmoqda.
Yirik Tang L krossoveri biroz balandroq bo‘lib, uning o‘lchamlari 5040 × 1996 × 1760 mm, bazasi esa 2950 mm. Uni BMW X5 (G05) bilan solishtiradigan bo‘lsak, BYD uzunligi bo‘yicha "nemis"dan ustun, ammo g‘ildirak bazasi, kengligi va kuzov balandligi bo‘yicha undan orqada qoladi.
Avtomobil salonlari ikki rangli charm qoplama bilan jihozlangan bo‘lib, 15.6 dyuymli media tizimi ekrani va ikki qavatli markaziy konsol o‘rnatilgan. Standart jihozlarga proyeksion displey, sovutgich va yuqori sifatli Dynaudio akustik tizimi kiradi.
Tang L 7 o‘rinli salon bilan taqdim etilgan, ammo kelajakda kamroq o‘rindiqli versiyasi ham paydo bo‘lishi mumkin.
Yangi BYD Tang L haydovchi o‘rni va saloni
Yangi Han L va Tang L ikki xil modifikatsiyada taqdim etiladi: to‘liq elektr va gibrid. Avtomobillarning kuch qurilmalari bir xil bo‘ladi.
- Elektromobillar:
Bir motorli versiyalar — 680 ot kuchi, orqa privod.
To‘liq privodli — old o‘qda 313 ot kuchi va orqa o‘qda 789 ot kuchi. - Gibridlar:
Kapot ostida — 156 ot kuchiga ega 1,5 litrli ichki yonuv dvigateli.
Umumiy quvvati 544 ot kuchigacha bo‘lgan bitta yoki ikkita elektromotor.
Elektr quvvatida yurish masofasi 135 kilometrdan 170 kilometrgacha.
Modellarning rasmiy savdosi 2025-yil mart oyida boshlanishi e’lon qilindi. Shu davrda kompaniya qolgan xususiyatlar va narxlarni ma’lum qiladi.
Biroq, hozirning o‘zidayoq modellar premium segmentga mo‘ljallangani, ya’ni narxlari ham arzonlashmasligi aniq. Taxminiy narx 300 ming yuandan boshlanadi, bu taxminan 41 000 AQSH dollariga teng.
